LËNDËT MËSIMORE
Në kuadër të profilit arsimor Elektroteknik i Kompjuterëve ekzistojnë 15 lëndë profesionale, tri prej të cilave i mbaj unë, e ato janë:
- Grafika Kompjuterike dhe Multimedia
- Veglat Softuerike
- Rrjetat Kompjuterike dhe Komunikime
Grafika Kompjuterike dhe Multimedia
- Lëndë shumë bashkëkohore
- Mësohet në vitin e parë në profilin Elektroteknik i Kompjuterëve
- Gjithsej i ka 74 orë në vit, ndërsa 2 orë në javë
- Paralelja ndahet në dy grupe
- Mësimi për këtë lëndë realizohet në kabinetin e kompjuterëve me nga dy orë bllok për çdo grup
Synimet dhe objektivat
Qëllimi i mësimit të lëndës Grafika Kompjuterike dhe Multimedia është që nxënësit të njoftohen në lidhje me elementet themelore të multimedias
si dhe aftësimi i tyre për të përdorur kompjuterët në arsimimin e tyre të mëtejshëm dhe në punën e tyre të ardhshme.
Detyrat e kësaj lënde mësimore janë:
- njohja me elementet themelore të multimedias;
- njohja me mjetet për përpunimin e tekstit;
- njohja me elementet themelore të përpunimit të fotografive;
- njohja me elementet themelore të përpunimit të zërit (audios);
- njohja me elementet themelore të përpunimit të videos;
- njohja me elementet themelore të programeve për krijimin e animacioneve;
- aftësimi për të përdorur një program për krijimin e prezantimeve.
Veglat Softuerike
- Lëndë tipike e profilit arsimor Elektroteknik i kompjuterëve
- Mësohet në klasën e dytë dhe tretë
- Gjithsej i ka 68 orë në vit, ndërsa 2 orë bllok në javë
- Mësimi realizohet ashtu që paralelja ndahet në dy grupe
- Mësimi realizohet në formë të ushtrimeve kompjuterike në laboratoret e shkollës
Synimet dhe objektivat
Qëllimi i lëndës mësimore Veglat Softuerike është përfitimi i njohurive si dhe zotërimi i shkathtësive
për të përdorur uebin, pra, mësimi i gjuhëve koduese HTML, CSS dhe JavaScript, databazave dhe aplikimi i programit për analizë dhe simulim në elektroteknikë.
Detyrat e kësaj lënde mësimore janë:
- Aftësimi i nxënësve për planifikim kreativ dhe funksional në ndërtimin e ueb faqeve;
- Zhvillimin e kreativitetit tek nxënësit;
- Miratimi i bazës për fillimin e mësimit të gjuhëve nga ana serverit dhe klientit dhe teknologjive që nënkuptojnë implementimin në HTML (PHP, ASP, JavaScript);
- Aftësimi i nxënësve për aplikim të programeve për vizatim dhe projektim të qarqeve elektrike;
- Aftësimi i nxënësve për aplikim të programeve për analizë dhe simulim të qarqeve elektrike;
- Zhvillimin e vetëdijes për rëndësinë e ueb teknologjive në sistemet bashkëkohore të informacionit;
- Përgaditja e nxënësve për ndërtimin e pavarur të ueb prezantimeve interaktive me ndihmën e teknologjive bashkëkohore dhe skript-gjuhëve programuese;
- Përvetësimin e njohurive për nocionet themelore të bazave të të dhënave dhe aftësimi për aplikimin e bazës së të dhënave në kompjuter;
- Zhvillimin e vetëdijes për rëndësinë dhe vendin e bazave të të dhënave në sistemet bashkëkohore të informacionit;
- Adoptimi i bazave për arritje të njohurive dhe përsosmërisë së mëtutjeshme.
Rrjetat Kompjuterike dhe Komunikime
- Lëndë e rrjetave kompjuterike
- Mësohet në vitin e katërt
- Gjithsej i ka 93 orë në vit, ndërsa 3 orë në javë
- 2 orë në javë janë mësim teorik, ndërsa 1 orë ushtrime që mbahet në kabinetin e kompjuterëve
- Ora e ushtrimeve realizohet në grupe (tri grupe)
- Në kuadër të këtij lëmi nxënësit gjithashtu mund ta zgjedhin punimin e maturës.
Synimet dhe objektivat
Qëllimi i lëndës është që nxënësit të njoftohen me nocionet themelore të rrjetave dhe komunikimeve kompjuterike.
Detyrat e kësaj lënde mësimore janë:
- njohja me rëndësinë e rrjetave kompjuterike dhe aplikimin e tyre;
- njohja me mënyrën e funksionimit të rrjetave kompjuterike dhe mënyrën e transmetimit të të dhënave nëpër rrjetë;
- njohja për nevojën e sigurisë dhe arritja e sigurisë për të dhënat në rrjetë;
- fitimi i njohurive përkatëse në lidhje me rrjetat kompjuterike lokale si dhe organizimin e Internetit;
- njohja për përdorimin e rrjetit telefonik në kompjuterikë;
- njohja me realizimin e dokumentacionit teknik për rrjeta kompjuterike të vogla;
- aftësimi i shkathtësive të nevojshme gjatë lidhjes së kompjuterëve në rrjetë.
